Home    BILDER  GÄSTEBUCH    Anmeldung    Satzung 

Home


Entstehungsgeschichte


        niederboarisch


        Preußisch


        Rheinländisch


        Japanisch


        Kölsch


        Arabisch


        Englisch


Vorstandschaft


Fanshop


Bilder


Satzung


Senfmailer


Anmeldung


Gästebuch


Links


Bibel


Wahlfahrt


Rfl Beitrag


Kontakt


Haftung


Impressum


Karriere




Entstehungsgeschichte

Wia ois ogfangt hod - niederboarisch

Servus Leidls, i bin da Gunsche und hob nun die Ehre, eich die Entstehungsgeschichte zum vazäin. Für de, de wo frong, wos ma mia mit dem Verein bezwecka woin, dene sog i unsern edlen Grund: Mia woi ma auf unserem Heimatplaneten nur no einen Sempft zualassn: Den Luise Händlmaier-Sempft. Wia i woas, moanan de meisten Leid (bsonders de Stoderer und de Einagschmegdn), dass ma auf so a Idee mit dem Verein nur kimmt, wenn ma an brutalen Saurausch in da Fotzn hod. Desweng liegts mir sehr am Herzen, eich jitz de ganze Wahrheit drüber zum vazäin. Losganga is am 80. Geburtstag von da Hedi, des is a weitschichtige Verwandte von mir, im Rosenhof in Landshut. Des war Anfang des Jahres 2004. Do san, wia mas hoid so macht, de junga a so beinand gsessn. Des warn meine zwoa Gschwister, da Mario und d´Kerstin und de zwoa Woidabuam, da Tobi und da Stefan. Und nachad hamma hoid so a weng zum bledln ogfangt über de ewige Diskussion auf Verwandtenfeiern, vo welchem Metzger de Wiaschtl woi san. Und so hod si des dann a so ergem, dass ma über d´Wiaschtl und an Sempft gschmatzt ham. Mia hätt ma hoid gmoant, dass da Händlmaier´s scho da beste Sempft is und dass den a jeda dahoam hod. Do kunnt ma fast an Fanclub aufmacha. De Diskussion hamma dann in unserer Partyhüttn, da Schdum, vazäid und de ham hoid dann a s´Spinna ogfangt. Und a so sans immer mehra won, so dass ma nun wirklich an Fanclub gründen kannt. Aber zustande kemma is dann ad letzt durchn Lichtmannecker Rudi, de oide Bochratz, der wo si do am meisten einegsteigert hod und vui organisiert hod, wos ma hoid so für de Gründung braucht. Und nach dem Entwurf vo ana Satzung is de Gründungsversammlung kema, dann da Besuch beim Notar und nachad wars endlich so weit, dass schließlich in da Zeitung gstandn is. Und so warma auf oamoi a e.V. Da jitz in dem Artikel ned wirklich rauskimmt, dass ned doch a Saurausch war damois, muas i song: wenns oana gwen wär, dann dad i ja jitzad nix mehr davo wissen, hehe! So jitz muas i aber aufhean, da Koibslebakas werd koid.




Wenn jemand Lust hat den Text zu übersetzen kann ihn gerne an uebersetzung@haendlmaier-freunde.de schicken!


Vorstandschaft Kontakt Impressum © 2005-2012 Andreas Daffner